கள்ளாட்டம்

ஒயிட்ஹார்ஸ் புரொடக்ட‌ஷன் தயாரிப்பில் உருவான படம் ‘கள்ளாட்டம்’ . இதில் நந்தா, ரிச்சர்டு, இளவரசு, குமார் நாகராஜன், ஏழு மலை, ‌ஷரிகா, உஷா ஸ்ரீ, மேக்னா உள்படபலர் நடித்திருக்கிறார்கள்.

இந்த படத்தின் ஒளிப் பதிவாளர் பிரகாஷ் ஜி இயக்குர் ஆகி இருக்கிறார். இசை- உமர் எழிலன், படத்தொகுப்பு- வி.டி. விஜயன், கலை - மோகன மகேந்திரன், தயாரிப்பு- சவுன் டியன்ஜி. பிரகாஷ் ஆர் சுமன் ஜி.

‘பிரண்ட்ஸ்’ , ‘புதுக்கோட்டையில் இருந்து சரவணன்’, ‘கிங்’, ‘ஆழ்வார்’ உள்பட பட படங்களுக்கு ஒளிப்பதிவு செய்த ரமேஷ் ஜி இந்த படத்தை ஒளிப்பதிவு செய்து, இயக்குகிறார்.

இந்த படத்தில் நடிப்பது குறித்து நந்தா கூறும் போது....

இது ஒரு முழுமையான போலீஸ் ஸ்டோரி . வழக்கமான சினிமாவில் வருகின்ற போலீஸ் போல் இல்லாமல், முழுமையாக மாறுபட்ட சினிமாவாக இருக்கும். மொத்தம் 90 நிமிடம் ஓடும் இந்த படத்தில் ஒரே ஒரு பாடல் மட்டும்தான் உண்டு. அது ஒரு கலர்புல்லான கவர்ச்சி பாடலாகும்.

காதல் பாடல்களை இப்படத்தில் வைக்கவில்லை. கதை முழுவதும் மிகவும் விறுவிறுப்புடன் பயணிக்கும். இயக்குநர் கதைக்கு அதிக முக்கியத்துவம் கொடுத்துள்ளார். படத்தில் என்னோடு நடிகர் இளவரசன் காவல்துறை அதிகாரியாக நடித்துள்ளார்.

இது ஆங்கில திரைப்படத்திற்கு நிகராக இருக்கும். இயக்கம், ஒளிப்பதிவு இரண்டையும் ரமேஷ் ஜி சிறப்பாக செய்திருக்கிறார். 17 நாட்களில் படப்பிடிப்பு முடிந்து விட்டது” என்றார்.