தேசிய விருது இயக்குநருடன் இணையும் பிரபுதேவா-தமன்னா

நீண்ட இடைவெளிக்கு பிறகு தமிழில் பிரபுதேவா நடித்து வெளிவந்த ‘தேவி’ படம் ஓரளவுக்கு வெற்றி பெற்றது. இதையடுத்து,  பிரபுதேவா தமிழில் நடிக்க ஆர்வம் காட்டி வருகிறார். இந்நிலையில், `தேவி' படத்தில் நடித்த தமன்னாவுடன் தனது அடுத்த  படத்திலும் நடிக்க உள்ளதாக கூறப்படுகிறது. இப்படத்தை தேசிய விருது இயக்குநர் சீனு ராமசாமி இயக்கவிருப்பதாகவும்  தகவல்கள் வந்த வண்ணம் உள்ளன.

மேலும் இந்த வரிசையில் புதுமுக இயக்குனர் அர்ஜுன் இயக்கத்தில் நகைச்சுவை கலந்த கதையான `யங் மங் சங்' படத்திலும்  பிரபுதேவா ஒப்பந்தமாகியுள்ளார்.

ஒருசில படங்களை தனது பிரபுதேவா ஸ்டூடியோஸ் மூலம் தயாரித்தும் வருகிறார். அதன்படி, பிரியதர்சன் இயக்கத்தில் பல  விருதுகளை வென்ற `சில நேரங்களில்' படத்தையும் விக்டர் ஜெயராஜ் இயக்கத்தில் `வினோதன்' படத்தையும் தயாரித்து வருவது  குறிப்பிடத்தக்கது.