சினிமா
ஹர ஹர மஹா தேவகி
ஹரி இயக்கத்தில் சூர்யா நடிக்கும் ‘சி-3’ படத்தை ஸ்டுடியோ கிரீன் கே.ஈ.ஞானவேல் ராஜா தயாரித்துள்ளார். இந்த படம் டிசம்பர் 16-ந் தேதி திரைக்கு வருகிறது. இதையடுத்து, விக்னேஷ் சிவன் இயக்கத்தில் சூர்யா நடிக்கும் “தானா சேர்ந்த கூட்டம்” படத்தையும் ஞானவேல் ராஜா தயாரிக்கிறார்.
இவர் வெளியிடும் உரிமை பெற்ற புதிய படம் “ ஹர ஹர மஹா தேவகி”. இதன் தொடக்க விழா பூஜை நடந்தது. இதில் கவுதம் கார்த்திக் நாயகனாக நடிக்கிறார். , அவரது ஜோடியாக நிக்கி கல்ராணி நடிக்கிறார். இவர்களுடன் சதீஷ், மொட்டை ராஜேந்திரன், ரவி மரியா, நமோ நாராயணன் உள்பட பலர் நடிக்கிறார்கள்.
இந்தபடத்துக்கு முரளி பாலு இசை அமைக்கிறார். ஒளிப்பதிவு: -செல்வ குமார், கலை: சுரேஷ். இவர் கலை இயக்குனர் ராமலிங்கத்தின் உதவியாளர்.
கதை , திரைக்கதை , அமைத்து வசனம் எழுதி இயக்குனராக அறிமுகமாகிறார் சந்தோஷ்பீட்டர் ஜெயகுமார். இவர் “எங்கேயும் எப்போதும்” டைரக்டர் சரவணனின் உதவி இயக்குனர்.
“ஸ்லாப் ஸ்டிக்” காமெடியாக உருவாகும் இப்படத்தின் படபிடிப்பு வருகிற 23-ந் தேதி சென்னையில் ஆரம்பமாகிறது. முழுக்க முழுக்க சென்னையில் நடைபெறும் இந்த படத்தை தங்கம் சினிமாஸ் சார்பில் எஸ். தங்கராஜ் தயாரிக்கிறார்.