ஆண் தேவதை

`சிகரம் சினிமாஸ்' தயாரிக்கும் படம் `ஆண் தேவதை'. இது சமுத்திரக்கனி நடிக்கும் புதிய படம். இந்த படத்தை தாமிரா இயக்குகிறார். இவர்  இயக்குநர் கே.பாலச்சந்தரின் மாணவர். பாலச்சந்தர், பாரதிராஜா இருவரையும் `ரெட்டச்சுழி' படத்தில் இணைந்து நடிக்க வைத்து  இயக்கியவர்.

`ஆண் தேவதை' படத்தில் சமுத்திரக்கனியுடன் ரம்யாபாண்டியன், கவின், கஸ்தூரி, `பூ' ராமு, இளவரசு, ஸ்ரீநிகா, பிரகதீஷ், அறந்தாங்கி நிஷா, யாழ் நிலா, மயில்சாமி, அருண்மொழி, திலீபன் உள்பட பலர் நடிக்கிறார்கள்.
இது சென்னைப் பின்னணியில் நடக்கும் கதை.

இன்று உலக மயமாக்கல், நகரமயமாக்கல் சூழல்தான் பெரும்பாலான நகரவாசிகளை இயக்குகிறது.  இன்றைய சூழலில் குழந்தை வளர்ப்பு, கணவன் மனைவி உறவு போன்றவை எந்த அளவுக்கு சிக்கலை எதிர்கொள்கின்றன என்பதைப் பற்றி இந்தப் படம் பேசுகிறது.

ஒரு தாயிடம் வளரும் குழந்தைக்கும் தந்தையிடம் வளரும் குழந்தைக்கும்  என்ன வேறுபாடு? என்பதையும் இந்த படம்  உணரவைக்கும்.`இயக்குநர் சிகரம்` பாலச்சந்தர் மீது வைத்த மதிப்பின் அடையாளமாக `சிகரம் சினிமாஸ்' என்று தனது நிறுவனத்திற்குப் பெயர் வைத்து பக்ருதீனுடன் இணைந்து  இந்த படத்தைத் தயாரிக்கிறார் தாமிரா.

ஒளிப்பதிவு- விஜய்மில்டன், இசை-ஜிப்ரான், படத்தொகுப்பு-காசிவிஸ்வநாதன், கலை-ஜாக்சன், ஸ்டண்ட்-ரன்ரவி தயாரிப்பு-பக்ருதீன், இயக்கம்-தாமிரா.