ஜாக்சன் துரை

ஸ்ரீ கிரீன் புரொடக்ஷன் தயாரித்துள்ள படம் ‘ஜாக்சன்துரை’. இதில் சத்யராஜ், சிபிராஜ், பிந்து மாதவி, கருணாகரன், ராஜேந்திரன், ஹாலிவுட் நடிகர் ஷாஜரி உள்பட பலர் நடிக்கிறார்கள்.

சித்தார்த் விபின் இசை அமைக்கிறார். யுவராஜ் ஒளிப்பதிவு செய்துள்ளார். படத்தொகுப்பு- விவேக் ஹர்சன். தயாரிப்பு- எம்.எஸ்.சரவணன், எழுத்து, இயக்கம்- தரணிதரன்.

போலீஸ் அதிகாரி சிபிராஜ். ஒரு கிராமத்தின் பிரச்சினையை தீர்க்க இவரை அனுப்பி வைக்கிறார்கள். அங்கே சில திகில் சம்பவங்கள் நடக்கின்றன. அதில் இருந்து அந்த கிராமத்தை சிபிராஜ் எப்படி காப்பாற்றுகிறார் என்பது மீதி கதை.
சத்யராஜ் முதல் முறையாக இந்த படத்தில் பேய் வேடம் ஏற்று நடித்திருக்கிறார்.

படம் குறித்து இயக்குனர் தரணிதரனிடம் கேட்ட போது....

“1940-ல் சுதந்திர போராட்டத்தின் போது நடந்த ஒரு சம்பவத்தை பின்னணியாக வைத்து இந்த கதை உருவாக்கப்பட்டுள்ளது. ரசிகர்கள் படம் முழுவதையும் கலகலப்பாக ரசிக்கும் வகையில் காமெடி கலந்த திகில் கதையாக கொடுத்திருக்கிறோம். நவீன தொழில் நுட்பத்துடன் ‘ஜாக்சன்துரை’ படமாகி இருக்கிறது. சத்யராஜின் வித்தியாசமான நடிப்பை இதில் காணலாம். இது நிச்சயம் அனைவரையும் கவரும். இந்த படம் விரைவில் திரைக்கு வருகிறது” என்றார்.