இப்படிப்பட்ட மாப்பிள்ளை தான் வேண்டும் என்று கோலிவுட்டையே கிறுகிறுக்க வைத்த நாயகி

தமிழ் சினிமாவில் முன்னணி நாயகியாக வலம் வர தொடர்ந்து முயற்சி செய்து வரும் சிங் நடிகை தொடக்கத்தில் நடித்த படங்கள் போதிய வரவேற்பை பெறாததால் தெலுங்கில் முழு கவனம் செலுத்தினாராம்.

தெலுங்கில் முன்னணி நாயகர்களுடன் நடித்து முன்னணி நாயகியாகவும் அங்கு வலம் வந்தாராம். சமீபத்தில் அந்த நாயகி நடித்த சிலந்தி படத்திற்கு தமிழ், தெலுங்கு என இரு மொழியிலும் வரவேற்பு கிடைக்கவில்லையாம். அந்த படத்திற்கு பிறகு நாயகிக்கு வாய்ப்பு குறைந்துவிட்டதாம். 

பின்னர் அவர் நடித்து தமிழில் வெளியான போலீஸ் படம் வெற்றி பெற்றதால், தற்போது தமிழில் காட்டு ராசா நாயகனுடன் ஒரு படத்தில் நடித்து வருகிறாராம். மேலும் அந்த நாயகனின் தம்பியுடன் ஒரு படத்திலும் நடிக்க இருக்கிறாராம். 

இந்நிலையில், சமீபத்தில் நாயகி ஒரு பத்திரிகையின் போட்டோஷூட்டில் கலந்து கொண்டாராம். அப்போது, நாயகி டேட்டிங் செல்ல விரும்புபவர் எப்படி இருக்க வேண்டும் என்று கேட்டதற்கு, 6 அடி உயரமாக இருக்க வேண்டும் என்று நாயகி கூறினாராம். அது போன்ற ஆண்மகனைத்தான் எனது கணவராக எதிர்பார்க்கிறேன் என்றும் நாயகி ஒரே போடாய் போட்டாராம். 

சமீபத்தில் தான் பல்லால தேவனுடன் நாயகிக்கு காதல் இருப்பதாக கிசுகிசுக்கப்பட்டது. இந்நிலையில், நாயகியின் இந்த பதில் கோலிவுட்டையே கிறுகிறுக்க வைத்துள்ளதாம்.