இயக்குனர்களுக்கு கண்டிஷன் போடும் நடிகை!

ஹீரோயினுக்கு முக்கியத்துவம் கொண்ட கதையில் நடித்த படம் தோல்வி அடைந்தால், மொத்த பழியும் தன்மீது விழும் என்று பயந்து பல படங்களில் நடிக்க மறுத்த விண்ணைத்தாண்டிய நடிகை, இப்போது தடாலடியாக தன் கொள்கையை மாற்றிக் கொண்டிருக்கிறாராம். காரணம், சக போட்டியான நயனமானவர் என்கிறார்களாம். தற்போது நடிகை, ஹீரோயினுக்கு முக்கியத்துவம் கொண்ட நான்கைந்து படங்களில் நடித்து, அதிகமாக கல்லா கட்டி வருகிறாராம்.

இதனால், தன் மார்க்கெட் சரிந்துவிழும் நிலைக்கு ஆளான விண்ணைத்தாண்டிய நடிகை, தனக்கு முக்கியத்துவம் தரும் கதைகளைத் தேர்வு செய்து நடிக்க ஆர்வம் காட்டுவது மட்டுமின்றி, அதுபோன்ற கதைகளைத்தான் தன்னிடம் கொண்டு வர வேண்டும் என்று இயக்குனர்களுக்கு கண்டிஷன் போடுகிறாராம் நடிகை.