`மிஸ்டர்.சந்திரமௌலி' படத்தில் இணையும் இரு தேசிய விருது இயக்குநர்கள்

கவுதம் கார்த்திக் நடிப்பில் ‘ஹரஹர மஹாதேவகி’ திரையரங்குகளில் வெற்றிகரமாக ஓடிக் கொண்டிருக்கும் நிலையில் அவரது அடுத்த படம் குறித்த அறிவிப்பு சமீபத்தில் வெளியானது.  

`நான் சிகப்பு மனிதன்' படத்தை இயக்கிய திரு கவுதம் கார்த்திக்கை இயக்கவிருக்கிறார். இந்த படத்தில் நவரச நாயகன் கார்த்திக், கவுதம் கார்த்திக்குடன் முதல்முறையாக இணைந்து நடிக்கிறார். கவுதம் கார்த்திக் ஜோடியாக ரெஜினா கசாண்ட்ரா, வரலட்சுமி நடிக்கின்றனர். சதீஷ் முக்கிய கதாபாத்திரத்தில் நடிக்கிறார். இப்படத்திற்கு `மிஸ்டர்.சந்திரமௌலி' என்று தலைப்பு வைக்கப்பட்டுள்ளது.



இப்படத்தில் பங்குபெரும் நடிகர், நடிகைகள் தேர்வு விறுவிறுப்பாக நடைபெற்று வரும் நிலையில், தேசிய விருது இயக்குநர்கள் இருவர் இப்படத்தில் நடிக்க இருப்பது உறுதியாகி இருக்கிறது. இயக்குநர் திருவின் உறவினரும், இயக்குநருமான அகத்தியன் மற்றும் இயக்குநர் மகேந்திரன் முக்கிய கதாபாத்திரத்தில் நடிக்க இருக்கின்றனர்.

இதில் அகத்தியன், கார்த்தியை வைத்து கோகுலத்தில் சீதை என்ற படத்தை இயக்கியிருந்தார் என்பது குறிப்பிடத்தக்கது. இப்படத்தில் கார்த்திக்கின் நண்பராக அகத்தியன் நடிப்பதாக கூறப்படுகிறது.

நவம்பரில் இப்படத்தின் படப்பிடிப்பு துவங்குகிறது.