இயக்குநர் பா ரஞ்சித்தின் ஒப்புதலுக்கு காத்திருக்கும் தனுஷ்

நாடே கொண்டாடும் சூப்பர் ஸ்டாரை இயக்கும்போது கூட நான் இப்படித்தான் என்று காம்ப்ரமைஸ் ஆகாமல் இருக்கும் இயக்குநர் பா.ரஞ்சித்தை பார்த்து வியக்கிறது கோலிவுட்.

இயக்குநர் ரஞ்சித் - நடிகர் ரஜினி கூட்டணி இணையும் இரண்டாவது படம் "காலா" .படத்தின் முதல்கட்ட படப்பிடிப்பு மும்பையில் பிரமாண்டமாக முடிந்தது. இந்த படத்தினை நடிகர் தனுஷ் தயாரிக்கிறார். சந்தோஷ் நாராயணன் படத்திற்கு இசையமைக்கின்றார்.
ஹியூமா குரேஷி, ஈஸ்வரிராவ், நானா படேகர், அஞ்சலி பாட்டீல், சமுத்திரக்கனி, சம்பத், ரவி கேளா, சாயாஜி ஷிண்டே, பங்கஜ் த்ரிபாதி, மகி மகிஜா, மேஜர் பிக்ரம்ஜித், அருள்தாஸ், அரவிந்த் ஆகாஷ், 'வத்திக்குச்சி' திலீபன், ரமேஷ் திலக், மணிகண்டன், அருந்ததி, சாக்ஷி அகர்வால், நிதிஷ், வேலு, ஜெயபெருமாள், கருப்பு நம்பியார், யதின் கார்யகர், ராஜ் மதன், சுகன்யா உள்ளிட்ட பலர் ரஜினியோடு நடிக்க ஒப்பந்தம் செய்யப்பட்டுள்ளார்கள்.

காலா படத்தில் நான் இளம் வயது ரஜினியாக நடிப்பதாக செய்திகள் வெளியாகியுள்ளன. எனக்கும் நடிக்க ஆசை தான். ஆனால் எதுவும் முடிவாகவில்லை என்றார் தனுஷ்.
காலா படத்தில் நடிக்க வாங்க என்று ரஞ்சித் கூப்பிட மாட்டாரா என்று எதிர்பார்த்து காத்துக் கொண்டிருக்கிறாராம் தனுஷ். ரஞ்சித்தின் போன் காலுக்காக வெயிட்டிங் என்கிறார் தனுஷ்.

காலா படத்தில் ஒரு காட்சியிலாவது வந்துவிட வேண்டும் என தனுஷ் துடிக்கிறார். ஆனால் இது என் படம் உங்கள் இஷ்டத்திற்கு கதையை மாற்ற மாட்டேன் என்று தனுஷை ஓரங்கட்டியுள்ளார் இயக்குனர் பா. ரஞ்சித் என்பது குறிப்பிடத்தக்கது.