ரஜினி அரசியலுக்கு வந்தால் பெரிய மாற்றம் வரும்: நடிகை சுருதிஹாசன்

தான் யாருடைய உதவியாலும் சினிமாவில் நுழையவில்லை என்றும் தனது சொந்த முயற்சியே என்றும் தெரிவித்துள்ளார். தனது அப்பாவின் பங்கில் ஒரு சதவீத சாதனையை கூட தான் இதுவரை அடையவில்லை என்றும் தெரிவித்துள்ளார்.

சூப்பர் ஸ்டார் ரஜினிகாந்த் அரசியலுக்கு வர வேண்டும் என்று நடிகை ஸ்ருதிஹாசன் ஒரு பேட்டியில் தெரிவித்துள்ளார்.
தனது தந்தை நடிகர் கமல் தொகுத்து வழங்கும் பிக்பாஸ் நிகழ்ச்சியினை தான் இதுவரை பார்க்கவில்லை என்றும் விரைவில் அந்த நிகழ்ச்சியை பார்ப்பேன் என்றும் கூறினார்.



ஆண்களுக்கு தான் நமது நாட்டில் அதிக மரியாதையும் முக்கியத்துவமும் கிடைக்கின்றது. மேலும் ஆண்குழந்தை பிறந்தால் கொண்டாடுகின்றனர், பெண் குழந்தை என்றால் கண்டுகொள்வதில்லை. இத்தகைய சூழலுக்கு நமது சமூகமே காரணம் என்கிறார். ஆனால் தனது வீட்டில் முழு சுதந்திரமும், ஆண் பிள்ளை போன்றே வளர்த்துள்ளார்கள். தனக்கு ஆண் குழந்தை பிறந்தால் நான் தான் என் குழந்தைக்கு பெண்களை மதிக்க கற்றுக்கொடுக்க வேண்டும்.

நான் ஒரு தமிழ் பெண் என்பதில் பெருமைப்படுகிறேன். தமிழ் நாட்டையோ, தமிழர்களையோ யார் குறை சொன்னாலும் அவர்களை ஒரு வழி செய்துவிடுவேன். ரஜினி சார் கண்டிப்பா அரசியலுக்கு வரணும்னு எதிர்ப்பார்க்கிறேன். அவரது வருகை பெரிய மாற்றத்தை உண்டாக்கும். இந்தத் துறைக்கும் பெரிய மரியாதையைத் தரும்," என்றார்