கபடி வீரரருக்கு காதலியான மாளவிகா மேனன்

ஒரு கபடி வீரனின் காதல் கதை ‘அருவாசண்ட’ என்ற பெயரில் படமாகிறது. ஆதிராஜன் இயக்கும் இந்த படத்தில் கபடி வீரர் ராஜா கதாநாயகன் ஆகிறார். இவர் திருநெல்வேலியைச் சேர்ந்த கபடி வீரர். புதுமையான அம்மாவாக சரண்யா பொன்வண்ணன், வில்லனாக ஆடுகளம் நரேன் நடிக்கிறார்கள்.

இவர்களுடன் கஞ்சா கருப்பு, இமான் அண்ணாச்சி, சிங்க முத்து, நெல்லை சிவா, பிளாக்பாண்டி, சின்ராசு, ரஞ்சன், சின்னத்திரை புகழ் சரத், அழகப்பன் ஆகியோர் கூட்டணி அமைத்து காமெடியில் கலக்க இருக்கிறார்கள்.



தென் மாவட்டங்களில் நடந்து வரும் ஆணவக்கொலைகளின் பின்னணியில், ஒரு கபடி வீரனின் கரடு முரடான காதல் கதையாக உருவாக இருக்கும் இப்படத்தின் நாயகி தேர்வு நடைபெற்று வந்த நிலையில், மாளவிகா மேனன் நாயகியாக தேர்வு செய்யப்பட்டுள்ளார்.

இவர் ‘பிரம்மன்’, ‘இவன் வேற மாதிரி’ படங்களில் சிறிய வேடத்திலும், ‘விழா’ படத்தில் நாயகியாகவும் நடித்திருக்கிறார். மலையாளத்தில் 5 படங்களில் நாயகியாக நடித்துள்ள மாளவிகாமேனன், தற்போது தெலுங்கில் 2 படங்களில் நாயகியாக நடித்து வருகிறார்.