என் மலர்

    சினிமா

    `காலா படத்தில் மேலும் ஒரு பாலிவுட் நடிகை
    X

    `காலா' படத்தில் மேலும் ஒரு பாலிவுட் நடிகை

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பா.ரஞ்சித் இயக்கத்தில் ரஜினிகாந்த் நடிக்கவிருக்கும் `காலா' படத்தில் மேலும் ஒரு பாலிவுட் நடிகை ஒப்பந்தமாகி இருப்பதாக தகவல் வெளியாகியுள்ளது.
    ‘கபாலி’ படத்தை தொடர்ந்து ரஜினி - பா.ரஞ்சித் இணையும் புதிய படத்திற்கு ‘காலா’ என்று தலைப்பு வைக்கப்பட்டுள்ளது. ‘காலா’ என்றால் காலன், எமன், தூதன் என்று பொருள் கொள்ளலாம். ‘கரிகாலன்’ என்ற தலைப்பின் சுருக்கம் தான் ‘காலா’. இப்படத்தில் ரஜினிகாந்தின் பெயர் கரிகாலன், அவரை சுருக்கமாக ‘காலா’ என்று அழைப்பார்கள்.

    வுண்டர் பார் பிலிம்ஸ் தயாரிப்பில் உருவாக உள்ள ‘காலா’ படத்தின் முதற்கட்ட படப்பிடிப்பு மே.28-ந் தேதி மும்பையில் தொடங்கவிருக்கிறது. இப்படத்தின் பர்ஸ்ட் லுக் போஸ்டர் இன்று மாலை வெளியாகும் என்று தனுஷ் அவரது டுவிட்டர் பக்கத்தில் தெரிவித்துள்ளார்.



    ‘காலா’ சந்தோஷ் நாராயணன் இசையில், ஆண்டனி பிஜே ரூபனின் படத்தொகுப்பில் பிரம்மாண்டமாக உருவாக இருக்கிறது. படத்தின் சண்டைப்பயிற்சிகளை திலீப் சுப்பராயனும், பாடல் வரிகளை கபிலன் மற்றும் உமாதேவியும் மேற்கொள்கின்றனர். சாண்டி டான்ஸ் மாஸ்டராக பணியாற்றவிருக்கிறார்.

    படத்தில் முக்கிய கதாபாத்திரத்தில் பாலிவுட் நடிகை ஹூமா குரோஷி நடிக்க இருப்பதாக முன்னதாக செய்திகள் வெளியாகி இருந்தன. படக்குழு அதனை உறுதிப்படுத்தாத நிலையில், ‘காலா’ படத்தில் தான் நடிக்க இருப்பதாக பாலிவுட் நடிகை அஞ்சலி பாட்டீல், அவரது டுவிட்டர் பக்கத்தில் தெரிவித்திருக்கிறார்.

    முன்னதாக ரஜினிக்கு ஜோடியாக ஹூமா குரோஷி நடிக்க இருப்பதாக செய்திகள் வெளியாகி இருந்த நிலையில், தற்போது அஞ்சலி பாட்டீல் நடிப்பதாக வெளியாகியுள்ள தகவல் ரசிகர்களிடையே குழப்பத்தை ஏற்படுத்தியுள்ளது. `காலா' படத்தில் ரஜினி ஜோடியாக அஞ்சலி நடிக்கிறாரா? அல்லது முக்கிய கதாபாத்திரத்தில் நடிக்கிறாரா என்பது தெரியவில்லை. இதுகுறித்த அதிகாரப்பூர்வ தகவல் விரைவில் வெளியாகும் என்று எதிர்பார்க்கப்படுகிறது.

    Next Story
    ×