ரஜினியுடன் இணையும் அக்ஷய்குமார் ஜோடி?

ரஜினி நடிப்பில் சமீபகாலமாக வெளிவந்த படங்களில் எல்லாம் பாலிவுட் நடிகைகளே ஆதிக்கம் செலுத்தி வருகின்றனர். ‘எந்திரனி’ல் தொடங்கி ‘கபாலி’ வரை ரஜினியின் படங்களில் எல்லாம் பாலிவுட் நடிகைகளின் ஆதிக்கம் அதிகமாகியே உள்ளது. இந்நிலையில், ரஜினி அடுத்ததாக நடிக்கவிருக்கும் பா.ரஞ்சித் படத்திலும் பாலிவுட் நடிகை ஒருவரையே நடிக்க வைக்க தீவிரமான ஏற்பாடுகள் நடைபெற்று வருவதாக கூறப்படுகிறது.

தற்போது இப்படத்தில் நடிக்க பாலிவுட் நடிகை ஹுமா குரேஷி தேர்வு செய்யப்பட்டுள்ளதாக தகவல்கள் வெளியாகியுள்ளது. ஹுமா குரோஷி இந்தியில் ஹிட்டான ‘ஜாலி எல்எல்பி-2’ படத்தில் அக்ஷய்குமாருடன் இணைந்து நடித்தவர். பாலிவுட்டில் ஹிட்டான பல்வேறு படங்களிலும் நடித்துள்ளார். இதுகுறித்து அதிகாரப்பூர்வமான செய்தி கூடிய விரைவில் வெளியாகும் என எதிர்பார்க்கப்படுகிறது.



இவருக்கு முன்னதாக இப்படத்தில் நடிக்க வித்யாபாலன், தீபிகா படுகோனே ஆகியோர்களின் பெயர்களின் அடிபட்டது என்பது குறிப்பிடத்தக்கது. இப்படத்தில் நடிக்கும் பிற நடிகர், நடிகைகள் தேர்வு தற்போது நடைபெற்று வருகிறது. ‘கபாலி’ படத்தில் பணியாற்றிய அனைத்து தொழில்நுட்ப கலைஞர்களும் இப்படத்திலும் பணியாற்றுகின்றனர். இப்படத்தை தனுஷ் தனது வுண்டர்பார் பிலிம்ஸ் நிறுவனத்தின் சார்பில் பிரம்மாண்டமாக தயாரிக்கிறார்.